قرآنى يا خير كتاب

عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا
ادارة المنتدي
قرآنى يا خير كتاب

قرآن-سنن الحبيب-قصص الصالحين-قصص الانبياء-قصص المبشرون بالجنه-تلاوات-احديث قدوسيه-اناشيد

صفحة المنتدى على الفيس بوك
ارجو من الله ان تدعمونا

احباء فى طاعة الله

قم بالترويج لصفحتك أيضاً

المواضيع الأخيرة

» الدعاء بعد الوضوء
الخميس نوفمبر 19, 2015 7:22 am من طرف raniaa20

» القران الكريم بصوت الشيخ عبد الباسط عبد الصمد
الخميس أغسطس 29, 2013 10:27 am من طرف yasser taie

»  الكفارة الواجبة على من جامع أهله في نهار رمضان
الأحد يناير 13, 2013 11:07 am من طرف قرآنى يا خير كتاب

» ما حكم بيع الكلاب وشرائها
السبت يناير 12, 2013 4:01 am من طرف قرآنى يا خير كتاب

» انا خــــايفه،، ده مش مجرد عنوان يشدكم لاء بجد انا خايفه جدا
الجمعة يناير 11, 2013 6:54 am من طرف bebo96

» تفسير الأحلام لابن سيرين
الجمعة يناير 04, 2013 8:02 pm من طرف قرآنى يا خير كتاب

» الدعاء عند الذهاب الى المسجد وعند دخولهو والخروج منه
الأربعاء يناير 02, 2013 2:36 am من طرف قرآنى يا خير كتاب

» دعاء القنوت
الأربعاء يناير 02, 2013 2:24 am من طرف قرآنى يا خير كتاب

» ادعية من القرآن الكريم
الأربعاء يناير 02, 2013 2:18 am من طرف قرآنى يا خير كتاب

زوار المنتدى

.: زائرا :.


    إيه رأيكم نقعد كده زي تنابلة السلطان

    شاطر

    om ashly isa
    مشرفه عامه على جميع الاقسام
    مشرفه عامه على جميع الاقسام

    عدد المساهمات : 110
    تاريخ التسجيل : 05/11/2010

    إيه رأيكم نقعد كده زي تنابلة السلطان

    مُساهمة من طرف om ashly isa في الأربعاء ديسمبر 01, 2010 10:28 pm

    إيه رأيكم نقعد كده زي (تنابلة السلطان )

    javascript:emoticonp('lol!')


    منعملش أي حاجة في حياتنا ومايبقاش لينا أي لازمة

    يعني لا نشتغل و لا نذاكر ولا نتعب نفسنا خالص



    javascript:emoticonp('lol!')


    انتو باين عليكم كده ولاد حلال و بتسمعوا الكلام فأنا (هاسوق فيها ) و اقوللكم على حاجة كمان


    عاوزين كمان اللي يجوع أو يعطش .. ماياكلش ولا يشرب


    و اللي يعيا (يمرض يعني) مياخدش دوا.




    - شكلي كده هطرد من الجروب خالص ..
    .. فين المشرفين اللي هنا ..؟؟؟

    - فيه إيه بس يا عم .. و أنا اللي باقول عليكم طيبين و هتسمعوا كلامي

    - نسمع كلام مين يابنتي .. إنت باين عليكي اتجننتي

    - اتجننت ليه بس .. طيب فهميني أنا غلطت في إيه ..

    -
    إزاي يعني الكلام اللي بتقوله ده .. إزاي الواحد ميشتغلش ولا ياكل ولا يشرب .. أمال نعيش إزاي

    - خضيتني .. كنت فاكره إنك هتقولي حاجة صعبة معرفش أرد عليها
    إنت كل اللي همك يعني إنك هتعيش إزاي .. بسيطة .. يعني إنت جيت في جمل .. ولا في فيل ؟؟


    بكل بساطة .. لما تكون عاوز فلوس .. أو عاوز أكل أو شرب .. اطلب من ربنا و استنى ربنا يجيبلك اللي انت عاوزه

    إيه مش عاجبك ؟؟؟

    اعترضوا بقى على كلام ربنا


    - لا طبعا مش هنعترض على كلام ربنا .. بس ربنا ما قالش كده .. ربنا جعل لكل حاجة سبب .. يعني عشان ربنا يرزقنا لازم ناخد بالأسباب و نشتغل .. و بعد ما ناخد بالأسباب .. نتوكل على ربنا و ربنا هيرزقنا
    مش ربنا بيقول Sadفَامْشُوا فِي مَنَاكِبِهَا وَكُلُوا مِنْ رِزْقِهِ وَإِلَيْهِ النُّشُورُ) الملك 15

    - طب ما انت حلو اهو و حافظ الآيات كمان ..

    أمال اشمعنى يعني لما بنيجي نقول يا جماعة عاوزين نتوب و نرجع لربنا بتقول لي :
    إن شاء الله لما ربنا يهدينا .. ادعيلنا يا عم الشيخ
    اشمعنى دي مش بناخد فيها بالأسباب



    - امممممممممم .. اصــــــــــــــل



    -يا عم بقى ..ده انتي منظرك بقى نيلة خالص قدام الأعضاء ..
    و فرحان بس (اطردوه امن الجروب) و تصحي المشرفين من النوم

    Very Happy

    -مش يا عم الشيخ ربنا هو اللي بيهدينا برضه ؟؟



    -دلوقت بقيت عم الشيخ ..؟؟
    ما علينا ..

    أيوة طبعا ربنا اللي بيهدينا

    و ربنا برضه هو اللي بيرزقنا

    و هو اللي بيشفينا


    اسمع كلام سيدنا ابراهيم في القرآن :

    (الَّذِي خَلَقَنِي فَهُوَ يَهْدِينِ (78) وَالَّذِي هُوَ يُطْعِمُنِي وَيَسْقِينِ (79) وَإِذَا مَرِضْتُ فَهُوَ يَشْفِينِ (80) وَالَّذِي يُمِيتُنِي ثُمَّ يُحْيِينِ (81) وَالَّذِي أَطْمَعُ أَنْ يَغْفِرَ لِي خَطِيئَتِي يَوْمَ الدِّينِ)
    الشعراء



    يعني زي ما هدايتنا بإيد ربنا ..

    برضه رزقنا و أكلنا و شربنا و شفاءنا ..

    و كل حاجة بإيد ربنا سبحانه و تعالى


    يبقى زي ما بناخد بأسباب الرزق بإننا نشتغل ..

    و بناخد بأسباب الشفاء بإننا نتعالج


    لازم ناخد بأسباب الهداية بإننا نتوب و نطيع ربنا



    -بس يعني دايما اللي بنسمعه ..
    مثلا الممثلين اللي بيتوبوا .. في يوم وليلة بيتحولوا من قمة الفساد لقمة الهداية

    أومثلا فلان الفلاني حصل له موقف ..

    أبوه مات في حادثة ..

    واحد صاحبه اتحرق ..

    اخوه انتحر ...

    و بعدين حياته كلها بتتغير 180 درجة و بيبقى (إنسان جديد)





    -واضح إنك بتتفرج على سبيس تون كتير


    الممثلين اللي بتقول عليهم دول .. إنت بتشوف قصتهم من آخرها

    انما هما بيمروا برحلة مجاهدة كبيرة .. يمكن أكبر من اللي انت ممكن تمر بيها بكتير
    و بيضحوا بالشهرة و الفلوس و بيتعرضوا لانتقادات كتير ..
    و بيتعبوا

    يعني مش يوم و ليلة ولا حاجة

    ثم هو يعني سيادتك مستني حاجة من الحاجات دي تحصل لك عشان تتوب


    مين يا عم قال الكلام العجيب ده


    ما هو ده اللي خلاني أتكلم معاك النهارده


    إن الشيطان راسم عندك صورة في دماغك ..

    إنك هتسمع كلمة أو يحصل لك موقف ..

    هتنام بالليل (هوووووووب) تصحى تلاقي نفسك الإمام البخاري


    و الفكرة دي هي نفس الفكرة العبقرية اللي انا قلت عليها فوق

    إننا نستنى الرزق يجيلنا لوحده من غير ما ناخد بالأسباب


    ربنا بيقول في الحديث القدسي
    ( إذا تقرب العبد مني شبرا تقربت منه ذراعا) صحيح البخاري


    أول حاجة إيه .. (من تقرب إلي شبرا)


    يعني لازم إنت تاخد خطوة ..

    شبر بس ..

    هتلاقي ربنا بيسهل لك التوبة و بيتقرب إليك اكتر


    أهم حاجة إنك...

    تبدأ

    و تاخد الخطوة دي


    إنما هتفضل واقف كده مستني الهداية تنزل عليك من السما


    مستني لما يحصل لك موقف مؤثر


    أو تسمع درس أو خطبة يأثر فيك جامد


    أو واحد يقول لك كلمة (تهزك )


    أو مستني لما أخوك ينتحر


    يبقى خليك مستني ..


    هتلاقي أخوك برضه مستنيك تنتحر عشان يتوب هو كمان


    حتى لو بقيت عضو في اي جروب ديني

    و قريت كل مواضيعه

    من غير ما تاخد خطوة عملية

    برضه مفيش فايدة

    برضه لازم إنت اللي تاخد الخطوة و تجاهد نفسك



    ربنا بيقول :
    (وَالَّذِينَ جَاهَدُوا فِينَا لَنَهْدِيَنَّهُمْ سُبُلَنَا وَإِنَّ اللَّهَ لَمَعَ الْمُحْسِنِينَ) العنكبوت 69



    يعني لازم تجاهد و تشتغل لربنا عشان ربنا يرزقك الهداية


    اتفقنا ؟؟؟







    الرسالة اللي عاوز أوصلها من الكلام اللي فات باختصار (عشان اللي مش بيحب الرغي

    )

    زيي كده مش بحبه الرغي خالص Razz

    وال يعرفني يقولي ماتفصلي شويه من الرغي ده Smile)))


    إن مفيش عصاية سحرية .. هتخلي الواحد يتغير مرة واحدة و يتوب و يبقى من أولياء الله الصالحين

    الموضوع محتاج مجاهدة و صبر ..

    و لازم و انت ماشي في طريقك لربنا هتقع .. و تقوم .. و تبتلى ..

    فكل المطلوب منك إنك تاخد الخطوة و تحاول تقرب لربنا


    و ده هيجبرنا للكلام عن حاجة تانية ..

    إن البعض بيقول .. إن أنا مش همشي في طريق ربنا دلوقت .. لأن دي مسؤلية كبيرة أنا مش قدها !

    و أنا لو التزمت دلوقت هاسئ للمتدينين و للدين عشان أنا عارف نفسي مش هعرف أثبت .. و هرجع تاني

    فانا هستنى لحد ما أصلح شوية حاجات كده .. عشان لما أتوب .. أتوب (على نضيف)

    و ده من أشهر مداخل الشيطان

    و رده بسهولة إنك تعرف إنك مش مطلوب منك تبقى معصوم من الذنوب

    و محدش من الناس الملتزمين اللي انت بتشوفهم ولا حتى المشايخ معصوم من الخطأ

    اسمع كلام حبيبك صلى الله عليه و سلم

    (كل ابن آدم خطاء و خير الخطائين التوابون)

    فانت مش مطلوب منك إنك تكون معصوم

    المطلوب إنك تتوب لما تخطئ ..


    مش انك تبدأ (على نضيف) و تفضل كده على طول !!!!



    حد فاهمني ؟؟

    م ن ق و ل SmileSmile


    بحبك يارب ومنايا ترضى عنى ... وعجلت اليك ربى لترضى
    lol! lol! lol!

      الوقت/التاريخ الآن هو السبت ديسمبر 16, 2017 9:19 pm