قرآنى يا خير كتاب

أنا عايش ومش عايش..!! :D :D :D 613623
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا أنا عايش ومش عايش..!! :D :D :D 829894
ادارة المنتدي أنا عايش ومش عايش..!! :D :D :D 103798

انضم إلى المنتدى ، فالأمر سريع وسهل

قرآنى يا خير كتاب

أنا عايش ومش عايش..!! :D :D :D 613623
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا أنا عايش ومش عايش..!! :D :D :D 829894
ادارة المنتدي أنا عايش ومش عايش..!! :D :D :D 103798

قرآنى يا خير كتاب

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
قرآنى يا خير كتاب

قرآن-سنن الحبيب-قصص الصالحين-قصص الانبياء-قصص المبشرون بالجنه-تلاوات-احديث قدوسيه-اناشيد

صفحة المنتدى على الفيس بوك
ارجو من الله ان تدعمونا

احباء فى طاعة الله

قم بالترويج لصفحتك أيضاً

المواضيع الأخيرة

» الدعاء بعد الوضوء
أنا عايش ومش عايش..!! :D :D :D Emptyالخميس نوفمبر 19, 2015 7:22 am من طرف raniaa20

» القران الكريم بصوت الشيخ عبد الباسط عبد الصمد
أنا عايش ومش عايش..!! :D :D :D Emptyالخميس أغسطس 29, 2013 10:27 am من طرف yasser taie

»  الكفارة الواجبة على من جامع أهله في نهار رمضان
أنا عايش ومش عايش..!! :D :D :D Emptyالأحد يناير 13, 2013 11:07 am من طرف قرآنى يا خير كتاب

» ما حكم بيع الكلاب وشرائها
أنا عايش ومش عايش..!! :D :D :D Emptyالسبت يناير 12, 2013 4:01 am من طرف قرآنى يا خير كتاب

» انا خــــايفه،، ده مش مجرد عنوان يشدكم لاء بجد انا خايفه جدا
أنا عايش ومش عايش..!! :D :D :D Emptyالجمعة يناير 11, 2013 6:54 am من طرف bebo96

» تفسير الأحلام لابن سيرين
أنا عايش ومش عايش..!! :D :D :D Emptyالجمعة يناير 04, 2013 8:02 pm من طرف قرآنى يا خير كتاب

» الدعاء عند الذهاب الى المسجد وعند دخولهو والخروج منه
أنا عايش ومش عايش..!! :D :D :D Emptyالأربعاء يناير 02, 2013 2:36 am من طرف قرآنى يا خير كتاب

» دعاء القنوت
أنا عايش ومش عايش..!! :D :D :D Emptyالأربعاء يناير 02, 2013 2:24 am من طرف قرآنى يا خير كتاب

» ادعية من القرآن الكريم
أنا عايش ومش عايش..!! :D :D :D Emptyالأربعاء يناير 02, 2013 2:18 am من طرف قرآنى يا خير كتاب

زوار المنتدى

.: زائرا :.


    أنا عايش ومش عايش..!! :D :D :D

    avatar
    om ashly isa
    مشرفه عامه على جميع الاقسام
    مشرفه عامه على جميع الاقسام


    عدد المساهمات : 110
    تاريخ التسجيل : 05/11/2010

    أنا عايش ومش عايش..!! :D :D :D Empty أنا عايش ومش عايش..!! :D :D :D

    مُساهمة من طرف om ashly isa الأربعاء ديسمبر 01, 2010 10:39 pm

    أنا عايش ومش عايش..!! Very Happy Very Happy Very Happy

    ------------------------------------

    الواحد زهقاااااان و قرفاااااااان و مخنوووووووق و كل حاجة !!

    خلاص الواحد مش حاسس بطعم الجبنـ.... قصدي بطعم الحياة ,

    حاسس إن الواحد ( عايش و مش عايش ) ..
    و إننا ( عايشينها و خلاص ) !!

    - عادي عادي , و طبيعي .. زي الزبادي ..


    - عادي إيه يا عم ؟؟؟ و زبادي إيه ؟؟ إزاي عادي يعني ؟؟


    - أقول لك ليه عادي ,

    حط نفسك مكان عربية آخر موديل , و محركها جامد طحن , و نظام تعليق ما حصلش .....
    مرسيدس F700 مثلا ,

    لكن الريّس (أبو مرسيدس) أو المعلم (بنز) حاطينها في المخزن ,
    و مش عاوزين حد يشتريها و لا يستعملها ,

    حط نفسك مكان العربية دي , و قول لنا حاسس بإيه ؟؟
    .. اتفضل , المايك معاك ..

    - مش حاسس بحاجة طبعا !! ,
    انت شايفني (مازدا) الخطيب , ؟؟

    - طب نبسطها ,
    اللي عمل عربية بالمواصفات دي كلها , يخليها في المخزن ليه ؟؟

    أكيد اللي خلاه يحط المواصفات دي كلها في العربية ,
    يبقى عاوزها تطلع و تمشي و (تمرق) الطريق و الحاجات دي ,
    و لو فضلت العربية في المخزن , يبقى هتبوظ و تصدي و حالتها هتتدهور على الآخر !!





    - أنا شكلي فهمت و لا بيتهيأ لي ؟؟

    - لا يا عم , انت اللي فاهم بس خايف من الحسد ,
    أصل انت لو تيجي تفكر معايا كده ,
    ربنا خلق الإنسان في أحسن تقويم ,
    و جعله في الأرض خليفة ,
    و فضله على كثير ممن خلق تفضيلا ,
    و سخر لنا الأنعام و الشمس و القمر , و ..... كل ده ليه ؟؟
    علشان ناكل و نشرب و ننام ؟؟
    علشان نعيش و خلاص ؟؟

    طبعا , لأ , و إلا هنكون زي المرسيدس إياها ,
    هنصدي و نبوظ و نكره نفسنا و نكره العيشة و كل حاجة !!



    - أيوااااااااااا هتقول لي مخلوقين للعبادة , عارف و الله يا (عم الشيخ) , بس ... يعني ..

    طيب استنى , طيب لما احنا مخلوقين للعبادة ,
    ليه ربنا اعطانا قدرات تانية نستعملها في غير العبادة ؟؟
    ليه ربنا ما خلاناش زي الملائكة نعبد و خلاص ,
    لكن حط فينا شهوات و إرادات و حاجات تانية ؟؟


    - بص يا سيدي , بالنسبة لأن ربنا أعطانا قدرات تانية غير القدرات اللازمة للعبادة , فده لأننا مش رهبان ,

    احنا في الأرض كي نعمرها كما أمرنا الله , و لسنا للصلاة فقط ,
    يعني احنا كل حياتنا تصب في العبادة , سواء بنصلي نبقى في عبادة ,
    أو سواء بنشتغل و بنستغل باقي قدراتنا لكن برضه كله بنية التقرب إلى الله , و هتبقى عبادة في الآخر ,
    و هيبقى كده كل تصرفاتنا هي عبادة لله ,

    و بالنسبة بقى ليه ربنا ركب فينا الشهوات و الحاجات التانية ,
    طالما هو خلقنا للعبادة , ليه يركب فينا حاجات تصرفنا عنها ؟؟

    هو خلقنا للعبادة و الابتلاء , قال تعالى " (( الذي خلق الموت و الحياة ليبلوكم أيكم أحسن عملا ))
    يعين هو خلقنا في دار امتحان , و لو لم يكن هناك صعوبات , لما سُميَ هذا امتحاناً ,
    يعني لازم يبقى فيه شهوات , كي يتبين المطيع من العاصي ,
    و (( ليعلم الله من يخافه بالغيب ))
    و طبعا فإن الله يعلم قبل أن يخلقنا إن كنا في الجنة و لا في النار
    لكن ليعلم علما يحاسبنا عليه ,
    و يقيم علينا الحجة ..






    - طيب سؤال لولبي بقى ,
    و لو جدع هات الإجابة يا عم ( الفلحوس ) ,

    انت بتقول إن الواحد مخنوق علشان مش بيعمل للآخرة ,
    و إن كل حياته سواء عبادة , سواء عمل , لازم كلها تصب و تكون موجهة للآخرة و ليس للدنيا ,
    و إلا هيحس بالخنقة و هيبقى مش طايق نفسه ..

    و السؤال هو : ليه المغنيين مثلا أو الممثلين , أو (الخواجات) أو يا عم ناس زمايلنا عايشين بالطول و العرض , و لا حتى بيصلوا , و مش حاسين بضيق قد كده و لا حاجة يعني ؟؟

    - أقول لك يا سيدي ,
    تعرف تاكل ( لحمة قرود ) ؟؟ أكيد هتقرف منها , صح ؟
    طيب ليه فيه ناس تانيين -في أفريقيا مثلا - بياكلوها و ( بيمزمزوا ) فيها كمان ؟؟

    هل لأن لحمة القرود حلوة و طعمة و خفيفة على المعدة و ... ؟؟
    و لا لأن ( معدتهم فسدت ) و باظت من كثر ما ( تعودت ) على أكل مثل هذه القذارة ؟؟
    فصارت لا تبالي ؟؟
    بل إن الناس دي لو جيت مثلا تأكلهم لحمة بقر مثلا هيقولوا لك إنها مش طِعِمة زي لحمة القرود , صح و لا لأ ؟؟


    كما أن المعدة إذا اعتادت أكل الخبيث وآثرته على الطيب سقطت عنها شهوة الطيب وتعوضت بمحبة غيره

    - طيب معلش , أنا عارف إني طولت عليك ,
    سؤال أخير بعد إذن جنابك ,
    انت بتقول إن العبادة و الحاجات دي كلها بتخلي القلب مستريح و كل حاجة حلوة ,

    لكن المشكلة إن الواحد مش بيلاقي لذة في العبادة و لا انشراح في الصدر و لا الحاجات دي كلها ,
    بل بالعكس , الواحد بيلاقي الصلاة صعبة , و ثقيلة على النفس و ...
    تفسر ده بإيه بقى ؟؟

    - بص ياعمي ,
    هو المرسيدس إياها اللي كانت متخزنة ,
    أول ما بتطلع بتمشي على طول ؟؟

    و لا لازم تشغلها شوية في (التليين)
    و تشوف الحاجات اللي كانت مصدية من الركنة تغيرها ,
    و تظبط شوية حاجات كانت باظت فيها ,
    و بعدين هتلاقيها ( ماشية معاك حلاوة )


    يعني من الآخر ,
    ما تستعجلش , لازم تتعب في الطاعة في الأول ,
    لحد ما طبقة الصدأ اللي على القلب تروح ,
    و بعدين هتلاقي نفسك مستمتع بجد ,

    و ربنا يهدينا و إياك إن شاء الله ..
    و يتوب علينا و يوفقنا لما يحب و يرضى ..


    منقول مع كثير من التعديلات Very Happy:D


    بحبك يارب ومنايا ترضى عنى ... وعجلت اليك ربى لترضى

      الوقت/التاريخ الآن هو الخميس مارس 28, 2024 5:13 pm