قرآنى يا خير كتاب

عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا
ادارة المنتدي
قرآنى يا خير كتاب

قرآن-سنن الحبيب-قصص الصالحين-قصص الانبياء-قصص المبشرون بالجنه-تلاوات-احديث قدوسيه-اناشيد

صفحة المنتدى على الفيس بوك
ارجو من الله ان تدعمونا

احباء فى طاعة الله

قم بالترويج لصفحتك أيضاً

المواضيع الأخيرة

» الدعاء بعد الوضوء
الخميس نوفمبر 19, 2015 7:22 am من طرف raniaa20

» القران الكريم بصوت الشيخ عبد الباسط عبد الصمد
الخميس أغسطس 29, 2013 10:27 am من طرف yasser taie

»  الكفارة الواجبة على من جامع أهله في نهار رمضان
الأحد يناير 13, 2013 11:07 am من طرف قرآنى يا خير كتاب

» ما حكم بيع الكلاب وشرائها
السبت يناير 12, 2013 4:01 am من طرف قرآنى يا خير كتاب

» انا خــــايفه،، ده مش مجرد عنوان يشدكم لاء بجد انا خايفه جدا
الجمعة يناير 11, 2013 6:54 am من طرف bebo96

» تفسير الأحلام لابن سيرين
الجمعة يناير 04, 2013 8:02 pm من طرف قرآنى يا خير كتاب

» الدعاء عند الذهاب الى المسجد وعند دخولهو والخروج منه
الأربعاء يناير 02, 2013 2:36 am من طرف قرآنى يا خير كتاب

» دعاء القنوت
الأربعاء يناير 02, 2013 2:24 am من طرف قرآنى يا خير كتاب

» ادعية من القرآن الكريم
الأربعاء يناير 02, 2013 2:18 am من طرف قرآنى يا خير كتاب

زوار المنتدى

.: زائرا :.


    انا خــــايفه،، ده مش مجرد عنوان يشدكم لاء بجد انا خايفه جدا

    شاطر

    om ashly isa
    مشرفه عامه على جميع الاقسام
    مشرفه عامه على جميع الاقسام

    عدد المساهمات : 110
    تاريخ التسجيل : 05/11/2010

    انا خــــايفه،، ده مش مجرد عنوان يشدكم لاء بجد انا خايفه جدا

    مُساهمة من طرف om ashly isa في الأربعاء ديسمبر 01, 2010 10:53 pm

    انا خــــايفه :S:S



    السلام عليكم...ده أول موضوع أنزله فى البيدج و أتمنى انه يعجبكم ^_^

    حاجة بسيطة كده لغاية أما أخلص الإمتحانات Smile

    _______________


    انا خــــايفه

    ده مش مجرد عنوان يشدكم

    لاء بجد انا خايفه جدا


    ومين فينا مش خايف!!


    مين مش خايف على نفسه وعلى اهله؟؟
    مين مش خايف من بكره واللى ممكن يحصل فيه؟؟
    مين مش خايف يفقد اعز واحب الناس ليه؟؟
    مين مش خايف يضيع عمره فى الفشل؟؟

    ...اكيد كل واحد فينا خايف من حاجه...




    طيب هسأل سؤال تانى مالوش علاقه بالاول بس استحملونى

    ايه اللى شاغل بالك؟؟

    *عاوز تأمن مستقبلك ومستقبل اولادك.
    *عاوز تكون انسان ناجح فى حياتك وفى شغلك.
    *عاوز تكون صاحب سلطه ونفوذ الاهم طبعا صاحب مال.
    *عاوز تبنى بيت واتنين وعشره.
    *عاوز...عاوز...عاوز...محدش فينا هيقول خلاص كفايه.





    يعنى خايف من او على
    ومشغول وسط الدنيا
    وعاوز كل حاجه

    طيب فى وسط ده كله فكرت للحظه
    ان المفروض تخاف على نفسك وبس
    اه خاف على نفسك وبس
    مين هيقول دى انانيه
    ايوا بالظبط كده دى انانيه
    وانا بطالب بالانانيه
    ....يوم لاتنفع فيه مال ولا بنون...





    فاكرين سؤالى الاول


    طيب مين فينا مش خايف من....


    .....المـــــــــــوت.....


    بس الخوف من الموت بيختلف من انسان عن التانى
    يعنى هتخاف تموت علشان حياتك واولادك وفلوسك
    ولا هتخاف علشان هتتحاسب على كل صغيره وكبيره !!

    طيب اعتقد لحد دلوقتى الاسئله اللى بسألها طبيعيه ومنطقيه كلنا خايفين نموت ...
    طيب السؤال اللى مش طبيعى بقى

    جاهز تموت؟!!
    انت جاهز تموت؟؟

    سؤال غريب بس اتسألته هتجاوب تقول ايه؟؟

    طيب جاهز تتحاسب؟؟

    جاهز تدخل قبرك ويتقفل عليك وينصرف عنك الاهل والاحباب ...؟؟
    جاهز لنعيم او لهلاك؟؟
    جاهز تقف ادام ربنا وتاخد كتابك بيمينك او بشمالك؟؟

    ((اللهم يمن كتابنا ويسر حسابنا))




    ها ... حد يرد عليا

    عاوزه واحد بس يطلع يقولى اااااه انا جاهز للموت وجاهز للحساب كده بكل ثقه...

    كتير ممكن يكونوا مش خايفين من الموت لانه قضاء ربنا والحمد لله كلنا مؤمنين بيه

    ومسلمين لقضاء الله

    بس حد جاهز فعلا!!

    *بتصلى...بتصومى...بتزكى..اديتى العمره والحج
    ...برااااافو عليكى....(طيب يالا جاهزه!!)





    ...طيب قبل ماتردى على سؤالى
    اقرأى اللى جاى كده وبعده هسألك نفس السؤال

    *قاعده الحريم او الرجاله مش فارقه كتير
    بتحلى غير بسيره الناس؟؟
    طيب بطلتى غيبه ونميمه علشان تبقى جاهزه للموت!!

    * ♥️♥️♥️* ♥️♥️♥️* ♥️♥️♥️

    *صباح الخير ياحبيبتى ايه مش بشوفك ليه وحشانى موت
    واول ماتسيبها تقول لصاحبتها يااااه دى بت خنيقه اوى وعلى قلبى زى السم
    بطلتى نفاق علشان تبقى جاهزه للموت!!

    * ♥️♥️♥️* ♥️♥️♥️* ♥️♥️♥️

    *شوفتى فلانه شايفه بيتها عامل ازاى
    ولا جوزها انا عارفه بيحبها على ايه
    صحيح ناس ليهم بخت...
    بطلتى غيره وحسد علشان تبقى جاهزه للموت!!

    * ♥️♥️♥️* ♥️♥️♥️* ♥️♥️♥️

    *بقولك ياماما انا هنزل اروح ل سمر
    علشان عيانه اوى ولازم اطمن عليها
    الو ايوا ياسمر اوعى تتصلى فى البيت انا قايلالهم انى عندك وانك تعبانه علشان لو ماما سألتك.....
    بطلتى تخونى الامانه علشان تبقى جاهزه للموت!!

    * ♥️♥️♥️* ♥️♥️♥️* ♥️♥️♥️

    *مبقاش الا دى اللى تسووها بيا
    ازاى يعنى تترقى وانا اقدم منها وخبره عنها
    ياأنا ياهى فى الشغل ده...
    بطلتى غرور وتكبر علشان تبقى جاهزه للموت!!

    * ♥️♥️♥️* ♥️♥️♥️* ♥️♥️♥️

    *يوووه بقولك ايه انا جايه من الشغل تعبانه ومش ناقصاك..
    بطلتى تعصى جوزك علشان تبقى جاهزه للموت!!

    * ♥️♥️♥️* ♥️♥️♥️* ♥️♥️♥️

    *انتى مجيتيش ليه امبارح يابنتى استنيتك كتير
    معلش يامنى اصلى كنت تعبانه ومقدرتش انزل معاكى..وهى اصلا كانت خارجه مع واحده تانيه
    طيب بطلتى تكدبى علشان تبقى جاهزه للموت!!

    * ♥️♥️♥️* ♥️♥️♥️* ♥️♥️♥️

    *اووووف بقى ياماما هو مفيش غيرى انا فى البيت
    ماعندك كلهم قاعدين اهم ماليش دعوه بقى
    بطلتى تعصى ابوكى وامك علشان تبقى جاهزه للموت!!

    * ♥️♥️♥️* ♥️♥️♥️* ♥️♥️♥️

    *مش فاطمه زعلانه منى ومخصمانى ماتصالحينى عليها..
    تصالحيها ايه يابنتى بطلى الهبل ده سبيها تخبط راسها فى الحيطه
    بقى تبقى هى الغلطانه وانتى اللى تروحى تصالحيها كده ميبقاش عندك شخصيه...
    بطلتى توقعى بين المسلمين علشان تبقى جاهزه للموت!!

    * ♥️♥️♥️* ♥️♥️♥️* ♥️♥️♥️
    *ايه يابنتى ده لبسك ضيق اوووى
    وايه المهرجان اللى فى وشك ده
    يوه ياماما ماكل البنات كده اشمعنى انا
    انتم هتعقدونى انا لسه صغيره
    (اصل الموت بيفرق بين صغير وكبير)
    بطلتى تقتدى بالاسوء علشان تبقى جاهزه للموت!!

    * ♥️♥️♥️* ♥️♥️♥️* ♥️♥️♥️

    الامثله كتيييييييير ولو قعدنا نعدها مش هتخلص
    حاجات كتير فى يومنا بنعملها واتعودنا عليها
    وبقت بالنسبه لينا عادى جدا مفيهاش اى حاجه



    ومتنسيش بعد الامثله دى كلها وبعد كل الكلام ده
    اللى ممكن اوى يدخل من هنا ويطلع من هنا
    ان فى حاجه اسمها رد المظالم
    اى واحده اغتابتيها
    اى واحده ظلمتيها
    اى واحده خوضتى فى عرضها
    اى واحده ضحكتى عليها
    كل ده موجود ومكتوب عند ربنا وحسابك فى الدنيا والاخره عسير











    هسألك بقى سؤال اخير بس تجاوبى بصراحه

    ولو حتى بينك وبين نفسك ومتكدبيش على نفسك

    لو مثلا عرفتى انك هتموتى وانك هتدخلى الجنه وتتمتعى بنعيمها ان شاء الله

    بس فى شرط واحد بس

    قبل ماتموتى لازم تروحى لكل واحده اغتبتيها

    تقوليلها انا قولت عليكى كذا وكذا وسامحينى

    تفتكرى هتقدرى...مش هتتكسفى من نفسك...مش هتندمى..

    طيب مكسوفه تروحى تقوليلها يبقى بتتكلمى عليها من الاول ليه اصلا ومكسوفه منها
    ومش مكسوفه من ربنا اللى خلقك...

    الموضوع ده اظن محتاج وقفه جامده مع النفس واعاده تفكير وتغيير السواد اللى فى القلوب


    * ♥️♥️♥️* ♥️♥️♥️* ♥️♥️♥️

    مش معنى الكلام ده انى بلا عيوب
    لا طبعا كلنا بنغلط بس بتفرق امتى ؟
    بتفرق من اللى بيعرف غلطه وبيصلحه
    واللى مش مقتنع انه غلط اصلا

    * ♥️♥️♥️* ♥️♥️♥️* ♥️♥️♥️

    مش معنى انى بصلى وبصوم وبزكى و...و...و..
    يبقى انا كده تمام صحيح انا احسن من غيرى كتير

    لسه مبدؤش ..لسه مبيصلوش..لسه محتاجين صدمه تفوقهم...

    والمشكله انهم عارفين ان الصلاه عماد الدين من تركها ترك الدين
    وبيسيبوها للاسف الناس دى بقولهم بجد فوقوا

    مفيش احلى من القرب من ربنا

    جربى كده وهتشوفى الفرق فى حياتك وفى اولادك وفى زوجك اللى معاكى او لسه ربنا هيرزقك بيه

    وانا معاكى وجانبك هساعدك وهساندك وهنصلى

    وهنتغير للاحسن وهنلغى اى سلوك وحش من حياتنا

    اى سلوك نهانا عنه ربنا اللى بيحبنا

    واللى مفيش حد فى دنيتك دى

    حتى ابوكى وامك هيخاف عليكى

    وهيبقى حنين عليكى وهيحبك تقربيله

    وهيفرح برجوعك له الا ربنا احسن من الخلق اجمعين ..

    وقفى شيطانك وابدئى

    وقوليلى انا معاكى وهبقى احسن

    اوعى تتردى يمكن نيتك للتغيير دى تشفعلك عند ربنا لو قبض روحك دلوقتى.




    *دعوه لغلب الشيطان.
    *دعوه للقرب من ربنا.
    *دعوه لتحسين الاخلاق.
    *دعوه من قلب صادق بيحبكم

    عايز ربنا يظلنا يوم لاظل الا ظله وينادى علينا اين المتحابون فى جلالى
    نرد ونقول احنا يارب اجتمعنا على طاعتك فى الدنيا
    فيجمعنا فى جنته وينعمنا بها فى الاخره

    !!...جاهزه تموتى

    م ن ق و ل


    بحبك يارب ومنايا ترضى عنى ... وعجلت اليك ربى لترضى

    bebo96
    مسلم
    مسلم

    عدد المساهمات : 4
    تاريخ التسجيل : 21/10/2012
    العمر : 38

    رد: انا خــــايفه،، ده مش مجرد عنوان يشدكم لاء بجد انا خايفه جدا

    مُساهمة من طرف bebo96 في الجمعة يناير 11, 2013 6:54 am

    بجد كلامك اثر فيا جدا وخصوصا انى فعلا حاسه ان الموت قريب منى اوى وحاسه انى خلاص فى ايامى الاخيره وللاسف خايفه منه جدا ربنا يرزقنا حسن الخاتمه

      الوقت/التاريخ الآن هو السبت ديسمبر 16, 2017 9:17 pm