تفسير الأحلام لابن سيرين

انا حلمت خير ان شاء الله انى عندى بيت كبير كذا دور لكن الادوار لسه فى التشطيب وفى عمال بيشتغلوا وكنت بفرج ماما الله يرحمها عليه وكان معايا حد من اهلى كمان مش فاكراه المهم طلعت اخر دور على السطح وكانت جنبى امى الله يرحمها وبردوا ناس من اهلى كذا شخص وبفرجهم على المنظر اللى بيظهر كل يوم فى المكان ده اللى هوه قبة القدس بقولهم شوفتوا دى قبة القدس بتبان من هنا وفجأه القبه بتختفى وبيظهر وراها مدنى مسجد بس صغير بقولهم المسجد ده متدارى ورا القبه ومش بيظهر غير لما القبه بتتشال فى الوقت ده اللى هوه وقت المغربيه وفجأه لاقيت تراب زى دخان اسود شبه سرب الحمام جاى من السما مكان القبه دى وبيتكون على هيئة مسجد كبير شبيه جدا بالمسجد النبوى بقولهم اهو كل يوم القبه تتشال وييجى من السما المسجد ده بس من شدة الهوا كل ما المسجد يتكون الهوا يشيله تانى المهم فى الاخر الدنيا ليلت لاقيت نفسى قاعده على نفس المكان بس على طرابيزه احنا وعيلتى ومامتى ومعاها جدتى الله يرحمها جنبها وانا قاعده معاهم كلنا حوالين الطرابيزه دى وقدامنا ساحه اعلى شويه من السطح زى الساحات اللى بيعملوها للمطربين يعنى مكان مربع اعلى شويه من السطح وعلى المكان ده ستات كتير اوى لابسين عبايات سوده وعلى راسهم طرح سوده وغطيه وشهم وبيرقصوا بطريقه غريبه جدا زى مايكونوا بيفقروا ورقصهم من ورا كده كأنهم عراقيين وابنى اللى عنده 6 سنين بيلعب هوه وولاد كتير قريب من الستات دى وابنى الوحيد اللى كل شويه يحاول يدخل عندالستات دى وكل ماييجى يدخل عندهم ست يحدفوه بعيد عنهم بغباء فظيع وانا فى الحلم بقيت اصرخ واقوله ابعد عنهم وخايفه من الستات دى جدا على ابنى وفضل يحاول ويبعدوه لحد ماطلع بينهم بردوا ودخل وسطهم ومش عملولوا حاجه وقتها وفضلوا بردوا يرقصوا ويدبدبوا فى الارض جامد جدا وبعدها ابنى جالى على رجلى معانا على الطرابيزه ولاقيت خنزيرين ماشيين على ايديهم زينا عادى وبيلفوا حوالين الطرابيزه اللى احنا عليها وكل ماييجوا عندى انا وابنى يحاولوا يعاكسونا ويحطوا ايدهم عليه وانا اخد ابنى فى حضنى واخاف منهم معلش انا اسفه الحلم طويل لكن بجد انا جسمى بيقشعر كل ما افتكره واول ماصحيت من نومى بردوا كنت فى حاله مش طبيعيه حتى وانا فى حلمى كنت حاسه ان جسمى مقشعر من كل اللى شوفته فى الحلم وجزاكم الله كل الخير على الاهتمام

انا حلمت الحلم ده بالنهار مش بالليل وبالنسبه لحالتى الدينيه انا اوقات كتير ببقى بعيد عن ربنا لكن الحمد لله كل الناس بتحبنى وبحاول اعمل خير كتير وبحب كل الناس والله وبحبلهم الخير

تامه بفضل الله الرد على الخاص اى برساله الى المعرف لدينا بالمونتدى ودمتى على خطى الحبيب والتقرب من الله